Trading Bitcoin

PAKIKIPAGKALAKALANG BITCOIN

 

Palaging may mga kasamang babala pagdating sa pakikipagpalitan ng Bitcoin, minsan mula sa pinapakiramdaman o di kaya’y galing na mismo sa pamahalaan. Naakit na rin kasi sa Bitcoin ang kalakhang bahagi ng mga mangangalakal patungo sa nakakatakam — at mapanganib — na pabago-bagong merkado. Tulad ng ibang mga larangan, marami ring mga bagay na nakakapagbigay ng bangungot sa mga tumangkilik dito.

 

Pero kung interesado ka pa rin, ito ang mga kailangan mong malaman.

 

Ano ang Bitcoin Market?

Maikukumpara ito sa isang currency exchange na binibilhan ng salapi mula sa iba-ibang bansa. Dito ipinapalit ang Bitcoin upang maging ibang asset na may halaga, vice versa. Ang pagkakaiba nito mula sa mga fiat na salapi ay hindi naaapektuhan ng mga bansa ang Bitcoin; walang epekto ang estadong pampinansyal o ekonomikal ng bansa sa halaga nito. Nagkakaroon ng Bitcoin sa “pagmimina”. Nakakatanggap ng 50 BTC ang mga “minero” na sumasagot sa mga tanong na matematikal. Ang mga nakukuhang Bitcoin ay iniipon ng mga minero o di kaya ay ibinebenta sa ibang tao kapalit ng fiat na pera.

Ang presyo ng Bitcoin, tulad ng kape o ginto, ay nakasalalay sa demand and supply.

 

Saan nakikipagpalit ng Bitcoin?

Para sa mga hindi nagmimina, mas madali nang makakuha ng Bitcoin ngayon kapag ikinumpara sa nakaraang mga taon. Kailangan lang manatili sa tamang bansa para makabili at magbenta ng Bitcoin, kung saan protektado ng batas ang mga transaksyon (nakakatulong ito laban sa mga may balak magnakaw o manira ng balanse ng isang account). Sa mga transaksyong ito, naipapalit na ang Bitcoin sa PHP, o sa kahit na anong fiat na salapi. Isama na rito ang pagpapalit-palit ng presyo ng Bitcoin at makikitang pwede itong pagkakitaan sa paraang tinatawag na arbitrage. (Ipapaliwanag ang arbitrage sa baba)

 

Mga kailangan upang makipagkalakalan ng Bitcoin

Bitcoin Exchange Account

Ang kailangan lang gawin ay maghanap ng mapagkakatiwalaang Bitcoin exchange at sumali dito (kasama na doon ang impormasyong personal). Makakabili at makapagbebenta ka na ng Bitcoin.

Tungkol sa impormasyong personal, may kailangang maunawaan na KYC at AML na mga kinakailangan bago makasali. Ayon sa mga bagong regulasyon, kailangang magsagawa ng mga prosesong makakapagbigay-pruweba sa identipikasyon (tulad ng mga ginagawa sa bangko) upang hindi ito magamit sa mga krimen (tulad ng pagbebenta ng droga).

 

Pinagkakatiwalaang Bitcoin Exchange

Isang magandang gawain ang pagtingin ng mga Bitcoin exchange at kung rehistrado ba sila sa mga kinauukulan. Tignan na rin kung nadawit ang exchange sa mga malisyosong scam at iba pang mga aktibidad na hindi naaayon. Marami ring mga review sa Internet, tulad ng http://bitcoinexchangeguide.com.

 

Kaalaman sa Pakikipagkalakalan sa Forex

Inirerekomenda rin ang pagkakaroon ng kahit na kaunting kaalaman sa mga terminong ginagamit sa Forex exchange, pati na ang mga stratehiya at mga senyales upang mahulaan ang magiging palitan ng Bitcoin. Mababasa rin naman sa NewsBTC ang pangaraw-araw na palitan.

 

Isang talasalitaan ng mga termino:

Ask price: ang pinakamurang palitan ng Bitcoin sa isang partikular na kalakalan

Bid price: ang pinakamataas na halagang papayagan mo

Volume ng trading site: ang halaga ng salapi na nabenta sa loob ng partikular na oras

Market depth: bilang ng Bitcoin na binebenta at hindi pa nabibili (at wala pang nagbabalak)

Speculator: taong nagbebenta ng Bitcoin sa mataas na halaga at bumibili sa mababa

Arbitration: panahon kung saan pinagsasamantalahan ang pagkakaiba ng presyo sa ibang mga trading site

High frequency trading: panahon kung saan sinusubukang kumita gamit ang spekulasyon sa presyo ng Bitcoin sa madaliang panahon

Bubble: kapag mataas ang demand ng Bitcoin, nangyayari ito. Kaya tumataas at bumababa nang mabilisan ang presyo ng Bitcoin dahil sa kakulangan ng “pundasyon” ng demand. Nangyari ito noong Disyembre 2013 hanggang Enero 2014.

Margin: isang mapanganib na paraan ng spekulasyon kung saan nakikipagpalitan ng Bitcoin gamit ang inutang na pera. Mas mataas ang kikitain, pero mas mataas rin ang posibilidad ng puwersahang liquidation.

 

Mga Pag-iingat at Panganib

Panganib sa Pamumuhunan

Mataas talaga ang posibilidad ng panganib sa pamumuhunan pagdating sa Bitcoin, at hindi ito para sa lahat. Kailangan talagang sigurado ka na bago pa pumasok.

 

Isa sa mga dahilan kung bakit napakamapanganib ng Bitcoin ay ang pabago-bagong presyo nito na walang sinusunod na walang mapagkukumparahan. Ito ay dahil buong dolyar at hindi sentimo ang mga pagbabago ng presyo ng Bitcoin. Halimbawa, noon ay 1000 USD ang Bitcoin ngunit 225 USD na lang ito ngayon. Naniniwala ang mga namumuhunan na dahil ito umano sa mga hindi mabuting aktibidad noong bago pa lang ang Bitcoin. Ngayon raw ay matatag na ang palitang nagbabago-bago ng 10-20 USD sa mga off days.

 

Inirerekomenda naming ibenta ang Bitcoin sa unang pagkakataon upang maiwasan ito. Mas mabuti pa ang maliit na kita kaysa malaking lugi.

 

Kaligtasan ng BTC Wallet

 

Isa pang nakakapanindig-balahibo para sa industriyang Bitcoin ay ang mga sinubukang pag-hack sa pitaka. Isang halimbawa ay ang Mt. Gox kung saan nanakawan sila ng Bitcoin na may halagang 450m USD. Nabiktima rin ang iba pang exchange sites tulad ng BitStamp, BitFinex, at iba pa.

 

Inirerekomenda naming ilagay lamang ang minimum na requisite fund sa aktibo (hot) wallet at ang iba ay offline sa cold wallet.

 

SUBSCRIBE TO OUR NEWSLETTER